DOXATA: Kurdên Bottropê bi Newroza xwe Bottrop şarandin

Kurdên Bottropê bi Newroza xwe Bottrop şarandin
================================================================================
nader doxati on 27/03/2010 10:08:00
 
Zêdo Baadrî / 23.03 2010 Elmanya/Bottrop
Komela Civaka Dostanîya Elman û Kurdan (Geselschaft für deutsch-kurdische
Freundschaft e.V.), bi kurtî “Hevaltî Bottrop”, di 21 Adara 2010 an da, li
bajarê Bottropê ji bo Sersala Kurdan/Çejna Netewî şahiyek pêk anî. Di
şahîyêda kurdên herçar perçên Kurdistanê beşdar bûn. Her usa kurdên
kevne Sovyetê û yên Lubnanê jî beşdarî sahiyê bûn. Cîyê dilxoşiyê
ye, ku bê gotin, isal Newroza Bottropê da hejmarek balkês ji kurdên Êzdî
bûn. Her ûsa beşdarvanên partî û sazîyên Elman ji kêm nebûn.
Şahî bi pêşkêşvanyê kurdperwerê hêja Husoyê Emîn û xanim Rojîn
Dağdeviren va destpêkir. Huso û Rojînê bi elmanî û kurdî li ser navê
Komelê xêrhatinîya beşdaran kirin, bi kurtî çîroka Çejna gelê Kurd yê
bindest ji bo beşdaran xûya kirin.
Şayîyê u ahengê bi Stranên Hunermend Rojhat û Koma wî va dest pêkir.
Dura qulingê Serhedê , dengbêj Evdirehmanê Mûshî bi deng û awazên xwe,
hemû beşdar vegerandin Kurdistana rengîn û serheda bav û kalan.
Piştî wê yekser hemû cemawer bi jin û zarok, qiz û xort, kal û pîr
bazdane cîhê agir hilkirinê.
Dilê xwe bi hilkirina Agirê bav û kalan (Newrozê) germ û rehet kirin,Wê
gavê bapîrê me Kawa dihat ber çavên me hemûyan.
li ber dahol û zirneyên Kurdan govendên şêxanî û pişt û berû
gulşênî digerîyan. Saetekê zêdetir qîz û xortan, tevî hemû mêvanên
elman dora êgir govend gerandin.
Piştî vê yekê, cemawer vegerîya salonê, lê vêcarê hindek bişkofên
kurdan bi dengên xwe yê nazik û zelal, şagirtên mamosta Timar, yen ku li
berdestê wî zimanê dayikê yê şirîn fêrdibin. Bo me sirûda Newrozê
pêşkêşkirin.
Ahil û gencan bi kincên xwe yên renga-reng d şeva Newroze xemilandibûn û
birastî bajarê Bottrop şarandin.
Koma hunermendê hêja Rojhat bernama xwe berdewam kir, hemû beşdar hanîn
coşê. Cîwanekî ji Kurdistana Başûr bi navê Edman Baadre hate ser dîkayê
û dengê kurdên Şêxanê bilind kir û kilamên xwe gotin.
Dawîyê da dengbêja cîwan bi dengê xwe yê zelal va beşdar carek din
rakirin ser pîyan. Mizgînê bi sê zaravayên kurdî(Kurmancî, Zazaki û
Soranî stran pêşkêş kirin.
Hejayi gotine ye ku, di gel beşdarbûna gelek Ronakbîr û Sîyasetmedarên
Kurd û Elman her usa brusknama Serokê KOMKAR-Euro, Şaredarê Bottropê,
Cîgirên Şaredar Berêz Ketzer û Löve, serokê dayra Kulturê berêz Wollek
û çend dezgahên Sîyasî û civakî jî peyam ji bo Komîte ya amadekarya
Newrozê şandibûn.
Partî, Rêxistin û Kesayetiyên bêşdarî Newroza Bottropê bibûn evîn:
Brêz Sadulla Berwarî (Berpirsê PDK-Başur yê herêma Düsseldorfê),
Mir Merdan Zedo Dawud Beg
Şêx Zedo Baadre,
Pêşmergê dêrîn Letif Baban,
Iso Seref – Bave Sakir,
Hito Mehmud Hewêri,
Eli Seydo Dinayi
Rojnamevan Hesen Qurij
Eli Ülbegi – Rêberîya Partîya Çep
Davut Timar
Pîro(Riza Katurman),
Kemal Yagcibulut(Serokê Komela KOMKAR Duisburg)
Nîvîskar û Sîyasetmedar Murad Dagdeviren,
Rojnamevan Seyidxan Kurij,
Mamoste Cahîd Kaplan,
Endamê Meclîsa Bajêr yê Partîya Çep Şahîn Aydin,
Jutta Fingsten – SPD
Kristopf Ferdinand/ Dieter Poltz- Partîya Çep
Dieter Pillath- Serokê dayra Koçberan
Frank Raphael- RAA
Xanim Schmitz - CDU
Bi rastî Germayî û coşa vê şahîyê mirov vegerande Kurdistanê. Lewma ji
dil û miraz beşdarvanan bi hevra gotin: “bijît bijît Hevaltîya Kurd û
Almanan” ( geselschaft für Deutsch-Kurdische freundschafts e.V ), bi kurtî
“hevaltî Bottrop”.
U supasiyek germ arasteyî memdunenas mamosta Fettah Timar kirin, ku bi rastî
hêzek kêm nimûne li cem heye û wextê xwe bi şev û roj xistîye xizmeta
Kurd û Kurdistanîyan, ji bo razîkirina wîjdana xwe ya pak û xawên.
Heta NEWROZEKE din em û hûn çavbirêyên rizgarîya gelê xwe ne. Çi li
Kerkûk û Şingal çi li Qamuşlo û Efrînê, çi li Mahabat û Qesr-i
Şirînê çi li paytexta xewna kiçik û mezinên kurdan Amed û Dêrsim.