بشرى سارا اليوم افتتاح قناة للكرد الآيزيدين/ ازاد كوردو

حجم الخط: Decrease font Enlarge font
image

Mizgînî , Kanalek TV bo kurdin Êzidî û Alewiy îro bi dest bi weşanê dike.

 

Kanal 10, bi rêya satelîta TURKSAT'ê dê weşanê bike û bi vî awayî weşana Kanal 10’ê li Ewropa, Tirkiye, Kafkasya, Îran, Iraq, Sûriye, Qibris û Bakurê Afrîkayê dê bêne temaşe kirin (Frekans: 12685 / 30000, Horizontal, FEC  ¾).

Kanal 10 dest bi weşanê dike!..

Îro li her derê cîhanê gelek civak ji bo parastin û pêşxistina nasnameyên xwe yên etnîkî, bawerî û çandî di nava hewldanê de ne. Hemû civak xwedî mafê parastin û bi pêşxistina nirxên xwe yên nasnameyî ye û divê hemû deng û rengên civakan bêne parastin û pêşxistin û astengiyên pêşberî wan ji holê bêne rakirin. Ji ber ku hemû nirx, deng û rengên hemû civakan, xweşikahiya tevahiya mirovahiyê ye.


Bi hezaran salan e wekî Alewitiyê, Êzdiyatî jî wek ol kevneşopekê mora xwe li tevahiya dîroka Rojhilata Navîn xistiye. Ev ol bi riya felsefe, kevnetor, bîr û baweriya xwe her tim nirxên aştî û azadiyê parastiye, herkes bi taybetmendiye wan qebûl kiriye û ji bo her civak û netewan jiyaneke bir rûmet a wekhev û bi hev re xwestiye. Êzdiyatî bi sembola xwe rojê ya xêrdar û jiyanafêr ketiye nava hiş û dilê Rojhilatê û bûye yek ji jêderên felsefe û hişmendiya şaristaniya Rojhilatê.

Îro navgînên pevguhazî û ragihandinê gelek pêşketine û ev yek ji bo ku hemû civak nirxên xwe yên çandî û civakî biparêzin û bidin jiyandin derfeteke pirr mezin e. Bi taybetî jî da nav navgînên dîtbarî de ya herî bandordar televîzyon e.

Ji bo jiyandin û nasandina çand û nasnameya civakên ku heta îro nekarîne bi awayekî azad xwe bidin jiyandin, bi taybetî jî ji bo êzîdî û alewiyan kanaleke nû ya çandî, “Kanal 10“ dest bi weşanê dike.

Kanal 10, ji bo pirsgirêk û daxwazên civakên alewî û êzîdî bîne rojevê dest bi weşanê dike.

Kanal 10, dê di serî de rewşa çandî, civakî û ya siyasî ya civakên ku çanda Rojhilata Navîn, Mezopotamya û Anatoliyayê afirandine, raxe berçavan û bi têgihiştin û nêrîneke pirçandî dê xweşikahî û deng û rengên hemû civakan bide nasandin û hewl bide ku bide jiyandin.

Kanal 10, bi têgihiştineke pirçandî û ronakbîrî ji bo jiholêrakirina hemû nakokî û cudakariya civakî dê bibe platformeke wekheviyê yê alternatîf a çapemeniyê. Kes û komên ku heta îro di çapemeniyê de nekarîne bi têra xwe, deng û rengê xwe bidin bihîstin, dê bikarin bi rêya Kanal 10'ê xwe bidin îfadekirin.

Kanal 10, alîgirê kedpareziyê, wekheviyê, azadiyê, aştî û biratiyê ye.

Kanal 10, ji bo pêşketina demokrasiyê dê xwedî rolekî mezin bibe. Hemû hêzên demokrasiyê dikarin di Kanal 10'ê de daxwazên xwe bê sansûr bînin zimên û di serî de civakên me yên alewî û êzîdî, hemû dînamîkên demokrasiyê tevlî demokratîzekirina Tirkiyeyê bibin, dê ekranê xwe ji wan re vekirî bihêle.

Kanal 10, dê di weşanê xwe de li dijî nijadperestiyê, cudakariya civakî, netewî û cinsî, binpêkirina rumeta mirovahî, pesindana şer û şîdetê, binpêkirina nirxên civakî yên exlaqî û yên ku bandora neyînî li ser pêşketina fîzîkî û derûnî ya zarok û ciwanan dike bisekine û dê bi helwestekî berbiçav li dijî vana derkeve.

Kanal 10, dê di weşana xwe de cihekî fireh bide bernameyên wek nûçe, dokumantasyon, lêkolîn, dîrok, çand, kevneşopî, nasandina kesayetiyên civakî û jiyana civakî.

Kanal 10, dê tenê rastiyan bîne ziman û derewan jî deşîfre bike.

Kanal 10, bi rêya satelîta TURKSAT'ê dê weşanê bike û bi vî awayî weşana Kanal 10’ê li Ewropa, Tirkiye, Kafkasya, Îran, Iraq, Sûriye, Qibris û Bakurê Afrîkayê dê bêne temaşe kirin (Frekans: 12685 / 30000, Horizontal, FEC: ¾).

Studyoyên Kanal 10'ê li Stenbol a Tirkiyeyê û li Koln a Almanyayê ne.

Kanal 10 a ku ji 4’ê Cotmeh a 2011’ê vir ve tenê klîpên mûzîkê diweşîne, ji 24’ê Cotmehê şunde dê dest bi weşana testê bike û di demeke kurt de jî dê dest bi weşana xwe ya normal bike…

Li bendê bin, hûn ê xwe têde bibînin!..

Bi silav û rêz
Komîteya Weşanê ya Kanal 10
21.10.2011

Têkîlî ji bo studyoya li Kolnê:
Telefon: 0049 / 221 888 78 101
Email: kanal10tv@hotmail.com

  • email أرسل إلى صديق
  • print نسخة للطباعة
  • Plain text نسخة نصية كاملة