ŞEHÎDÊ AZADÎ ((mişhel temo))

حجم الخط: Decrease font Enlarge font
image

Ji qamişlo diese hate der

Wekî her dem wekî her car

Alavek agir alavek miştî kul

Bi xwîna sor bê avdan gul

Bi xwîna sor qad namîne şil

Ava bibe rûpelek nûh

Ew alav na vemire dibe brûsk

Di çavên dijminê rêjîma xwînxwar de

Di çavên hemî neyar de

Alavek vêketî dimîne di dil de

Di dilê her kurdekî evîndarê welat

Her xortekî bi soz û hêvî

Bila bikujin û bidin ber hev

Roj namîne wek hev

Bila kehniyên xwînê biherikin

Çem û çiya ji hev cûda bibin

Riyên sipî sor bibin

Taca qad û azman hişyar bibe

Tîrêja rojê dijwar bibe

Disincire agirê jiyanek nûjen

Di axivin xewnên raketî

Ew xewnên miştî ahîn

Dûrbûm ji ew rengên zelal

Ew evîna ser pêlên derya

Bila di şikeftên tarîde bijîn

Biken û bê ken jiyan dibûre

Bi deng û bê deng roj diçe ave

Ti bûyî ronya rêça hemî ciwanên kurd

Çira şoreşa welatekî nûjen

Welatekî wek hevî bê bendî

Dengê hêviya gelê kurdî

Tiwî zimanê sazek xembar

Dengê azadiyê

Şehîdê peyvên  zelal

Şehîdê qamişloka delal

    (( Alav = مشعل ))

 7.10.2011 Elmaniya

dildarismail@hotmail.com

  • email أرسل إلى صديق
  • print نسخة للطباعة
  • Plain text نسخة نصية كاملة